天水圍美食:【#真香港人小店 即叫即做手打牛肉漢堡!漢堡足料 大到一啖咬唔哂!】- 漢堡佬

新北江一向都係天水圍嘅美食基地,有好多特色小店等你發掘!今次介紹嘅呢間良心漢堡店,主打即叫即做手打牛肉漢堡,其中三重芝士牛肉流心蛋漢堡嘅牛肉非常juicy,加上配料,包括沙津醬、菜、蕃茄、青瓜、洋蔥同雞蛋,口感好豐富,好有層次!而且漢堡size都幾大, 一啖都咬唔哂!四十蚊就食到咁足料嘅牛堡,唔洗幫襯其他大型連鎖店,支持下良心小店啦!

漢堡佬脆雞漢堡 ($35):炸雞扒超酥脆,配合生菜蕃茄同沙律醬好惹味!

▲ 炸雞扒厚肉又juicy,唔會好乾柴!

三重芝士牛肉流心蛋漢堡 ($40): 牛肉漢堡扒厚身,而且味道濃郁,煎得又香又入味!

▲ 除咗主角牛肉同蛋之外,仲有沙津醬、菜、蕃茄、青瓜同洋蔥做配料!

▲ Menu:餐廳仲有意粉提供! 可以whatsapp落單,夠鐘自取夠哂方便!

漢堡佬

地址: 天水圍天湖路1號嘉湖新北江商場地下A88舖
電話:5400 2269

文字來源:香港人遊香港 / 圖片來源 :@tastytommy