尖沙咀美食:【尖沙咀親民價食Omakase!平歎12件廚師發辦壽司+食材由日本直送!】- 神樂

呢間位係尖沙咀的壽司店,主打Omakase、刺身、壽司等日式料理。食材由日本北海道、豐州、九州等不同市場飛機直送,好似有拖羅、松葉蟹、海膽、赤貝、深海池魚、姖鱒魚等,夠晒新鮮時令而且價格定位好親民,晚市Omakase只係$580就歎到12件壽司,仲要星期日至四有85折。呢到米飯使用北海道七星米,醬油都自家調配提升鮮味。另外仲有刺身、天婦羅、小食等不同料理供應。

▲上刺身拼盤五款($280),深海池魚、中拖羅、油甘魚、帶子、牡丹蝦。

▲當中深海池魚味道濃郁、中拖羅脂肪比例平均、帶子有柚子味好清新。

▲雜錦天婦羅拼盤($180),有沙追魚、大蝦、冬菇、南瓜、茄子和大葉。當中炸大蝦鬆脆彈牙,沙追魚酥脆肉軟。

▲前菜,泡菜八爪魚。

▲蝶魚,肉質煙韌好有咬口。

▲新鮮北寄貝,爽口彈牙。

▲赤貝,爽口鮮甜。

▲池魚,池魚味非常濃郁又鮮甜。

▲北海道姖鱒魚,肉質嫩滑加小許薑提升魚味。

▲魷魚,加了紫蘇葉碎增添鮮味,口感煙韌。

▲燒牡丹蝦 ,爽口彈牙加上蟹膏又甘香。

▲松葉蟹海膽,蟹肉一絲絲加上海膽口感綿滑。

▲海膽 ,海膽肥美鮮甜,口感軟綿。

▲炙燒拖羅,夠肥美油脂香濃,入口即溶。

▲帆立貝鵝肝,帆立貝夠厚身加上黑醋鵝肝雙重口感,夠香濃但不油膩。

▲蝦頭麵豉湯,蝦膏鮮味完全溶入麵豉湯中。

▲燒雞泡魚乾($78),魚乾燒得香甜而且軟淋配上沙律醬好惹味。

▲清酒($168),口感清爽易飲入口,還可以自由選擇自己喜歡的清酒杯。

神樂

地址:尖沙咀金馬倫道58-60國鈀大廈地下B號舖
電話:2827-2168
營業時間:12:00-22:00

文字/圖片:香港人遊香港