呢間銅鑼灣新開的港式麵包店,由前四季酒店西餅師傅主理,必試麵包店的招牌菠蘿皮麻糬波波,大大個脹卜卜,外型已非常搶眼,食落外脆內軟又熱辣辣,煙煙韌韌,非常吸引。小店無添加手作麵包採用日本麵粉、天然酵母及新鮮牛油製造,真材實料,脆皮麻糬波波有原味、綠茶、芝士等口味,每日新鮮出爐,門外經常排長龍,還不定時供應Lotus焦糖餅、雪山菠蘿皮Nutella榛子醬等口味的麻糬波波。不過由於需求太大,很多人排個多小時也只剩下一兩隻最普通的味道,還否食到心頭好,也需要講緣份!
▲(左)原味麻糬波波(1個$8/2個$15),以及菠蘿皮麻糬波波(1個$8/2個$15)。
▲原味麻糬波波,原味真係冇得輸!外型看似普通,但麻糬波波非常軟熟又煙韌,甜度剛剛好,新鮮出爐熱辣辣時一口咬下去,勁滿足!
▲菠蘿皮麻糬波波,外型似足菠蘿包,金黃色外型非常搶眼, 菠蘿皮厚得來口感鬆脆,更帶有甜味及牛油香,食落跟原味一樣煙韌,外脆內軟又熱辣辣,令人回味無窮。
▲抹茶味也不容錯過!
▲店內還會不定時供應綠茶菠蘿皮麻糬、雪山菠蘿皮麻糬及Lotus餅碎脆皮流心Nutella麻糬,想食到真的看緣份!
▲店內還供應多款不同口味的麵包,如近期大熱的布丁包。
▲位於銅鑼灣的小店門外經常大排長龍,老闆指麻薯波波有兩次出爐時間,分別是上午11時至中午12時,以及下午4時至5時,不過若太好賣,以及有時間的話,會加多次。
James Bonbon Bakery
銅鑼灣邊寧頓街9-11號登龍閣地下C1舖
營業時間:星期一至日早上7時至晚上10時半
文字:香港人遊香港 /圖片:@pigkeymouse、@chillfoogle、@ccf_foodie_hk