【即將消失的秋與冬!觀塘裕民坊!】

隨著裕民坊小店結業、M記都關閉,觀塘裕民坊已經面目全非,而呢個Dear Jane《經過一些消失的秋與冬》MV拍攝地裕民坊亦即將消失!佢地上年年底就係裕民坊搞左個mini concert!而到處都係工地既裕民大廈一帶正等待拆卸,該處一個小天台,都唔知會幾時清拆,想去懷緬一下就要快!

▲之前有攝影達人係呢度以〈穿越時空的少女〉為題,獲得《國家地理》攝影大賽人物組獎項。 令大家發現呢個市內既天空之鏡秘景,事後好多攝友都模彷呢個影法,不過小編提提大家,呢個景象只限於落完雨之後,大家千奇唔好因為想影呢個奇景所以倒水落地面呀!

▲左邊較新既商廈同右邊即將清拆之景象成強烈對比。

▲呢個殘破既樓梯都好快清拆,就係因為Dear-Jane既MV令唔少人對呢度多左份眷戀。

▲細心察看,裕民坊小平台唔算區高臨下,但用呢個角度望下呢個可愛既觀塘,以車水馬龍既人群、車龍做背景影相都係唔錯選擇!

裕民坊小平台

地址:九龍觀塘裕民坊

文字來源:香港人.遊香港/圖片來源:leeleelee_funggaozaichaneylwpllojaii