主頁 好地方 【攀山澗水!挑戰難度!橫涌石澗龍珠瀑!】

【攀山澗水!挑戰難度!橫涌石澗龍珠瀑!】

[駐場博客 @小牛牛快樂行山郊遊相集by Chan Keung]天氣悶熱,最適合走走石澗,今次介紹九大石澗之横涌石澗,呢度有高聳入雲嘅龍珠瀑, 更有清澈嘅霜碧潭,有幾靚? 即刻去睇睇啦!

橫涌石澗 點去?

由大埔墟乘坐20R小巴,出發前留意返開車班次,因為隔成個鐘至有一班車架。坐小巴經過大尾督,下一站就到達新娘潭燒烤場,呢度落車再過對面馬路,行多一小段路,見倒有條石樓梯,就係橫涌石澗入口,沿樓梯落到底進入石澗, 入口好開掦,水質尚算潔淨, 流水中中,旁邊有一條山徑,如果唔想濕腳,可以沿山徑直上,初段路況簡單易行。

龍友最愛影!天然三層瀑布!

爬過幾段斜坡,就見到有一個小瀑布和大水潭,環境優美,打卡後繼續上路,小河流中有好大塊石頭,可以在大石上横過水道,不過要加倍小心,因為石面濕滑,容易跣低! 攀升咗一小段之後,再發現多個大小水潭,又有多個瀑布,其中有D瀑布底部,仲有多個大小壼穴,一個個石窿形狀相當有趣,有D仲大到可以成個人坐入去添! 拍照後繼續攀上,走到另一開掦位置! 喔! 係一道三層瀑布,好靓呀,小編立即攞部微單相機出嚟,用慢快門拍攝瀑布,可以拍出絲絲效果。拍出靚靚效果相當滿足,之後走過幾段山徑,發現多嚿巨石,形成一個天然大水潭,再抬頭一望上去, 一道超過百多尺嘅大瀑布就在眼前, 大量水沖落水潭,造出大量水花,呢度就係横涌石澗第一個景點~龍珠瀑,好宏偉喔! 影完相後可以靠左手面有一段比較斜嘅山坡,呢度要好小心攀上,可以拉住樹根借力,亦有扶手腳踏位,只要小心爬,都不太困難跨過, 途中發現一個掛在樹上嘅螞蟻巢穴,切勿觸摸,避免比蟻咬喔!

繞過龍珠瀑之後再走一段石坡,又發現一道人工水閘,水質清澈見底,呈現碧綠色,可清楚見倒魚仔小蝦游來游去。繼續再走一段山徑,卒之到達霜碧潭,呢個潭深不見底,通常都係行山隊大休好地方,小編正打算落水之陣,突然雷雨交加,安全起見,立即㝷找另一小徑通住八仙嶺自然教育徑走人,呢度早前被火燒過,好多樹枝都焼到光禿禿, 雖然係咁,但係又呈現另一種景象,感覺好特別,啱啱又一層薄霧飄過, 望落去好似仙境一樣, 呢個畫面都係首次見到,相當之靚喔! 最後好快落返到去起點,搭小巴返去大埔完成旅程。

▲由大埔墟公共小巴站乘坐20R小巴經過大尾篤再到達新娘潭燒烤場落車

▲過石級就到達橫涌石澗入口初段開揚而山澗旁邊有石徑進入

▲小河中間有多塊巨石可以從石面上渡過小河-但必須留意石面上比較濕滑前進時必須小心

▲行咗唔係好耐就見到第一個小型瀑布可以用慢快門拍攝呈現出絲絲效果

▲影完相後繼續向上攀升

▲路況有點崎嶇但唔難應付

▲沿途發現多過大少壼穴其中有啲大到可以容納一個人坐入去

▲三層瀑布相當壯觀

▲旁邊山徑

▲龍珠瀑打卡熱點

▲龍珠瀑是横涌石澗其中ㄧ個出名嘅景點

▲由於龍珠瀑太高所以唔可以正攀可以從左手邊有一條山徑可以繞過但係呢條山徑比較斜所以要小心慢慢爬

▲不斷向上攀旁邊有好多樹藤可以用來借力

▲爬呢條山徑必須要小心

▲繞過龍珠瀑繼續爬大石向上走

▲近人造水閘前有ㄧ個大水潭.

▲巨石下的ㄧ個大壺穴

▲人造水閘清澈見底

▲水潭內呈現的綠色可以清楚見到魚仔蝦仔遊來游去

▲水閘前倒影好靚

▲發現ㄧ個蟻巢切記不可觸碰

▲突然雷電交加沿山徑切退

▲經過一段剛剛被燒過嘅山徑-雖然光禿禿但係又有另一種感覺-落去八仙嶺自然教育徑突然之間又有一陣霧飄過好似仙境一樣

橫涌石澗

路線: 新娘潭燒烤場>横涌石澗>龍珠瀑>霜碧潭>八仙嶺自然教育徑>新娘潭燒烤場
全程約4公里 需時約4小時

注意:
⚠石澗有定危險性,新手不宜
⚠必需有熟練行石澗經驗人仕帶領
⚠愛護郊野清潔,人人有責,自己垃圾自己帶走

文字/圖片來源 :小牛牛快樂行山郊遊相集by Chan Keung

熱門文章

香港好去處:【3萬4千呎!日系超市百貨UNY將登陸將軍澳!設韓食專區!必試爆餡麻糬大福!BLACKPINK 都讚!】

UNY生活創庫11月初將進駐將軍澳新都城開新分店,佔地3萬4千呎,有高級日式超市及集結日韓台中西美食,當中 UNY 超市主力提供優質、時令及特色商品,除引入各種港人喜愛的日本新鮮直送食材外,亦特設環球洋酒及清酒部。

香港好去處:【早鳥優惠!$128起!韓國人生照相館再度來港!20+韓風拍攝場景!大膽色彩!療癒美拍!】

人氣自助韓式影樓《人生照相館II》載譽歸來!繼年初首次來港掀起韓式打卡熱潮,吸引近萬名攝影愛好者入場「打卡PO相」瘋狂洗版後,《人生照相館》在一眾打卡迷熱切期盼下,在今個冬天以《人生照相館II》迅速回歸,幾於12月來港,陪伴大家度過甜蜜浪漫的聖誕,再慶祝跨年及中西情人節!

都市熱話:【MaskOn推全新色系!「淺白・深刻」色調!10款歌詞口罩收納套!Dear my friend,+櫻花樹下】

MaskOn._為慶祝品牌成立一周年,推岀周年限量口罩連「歌詞口罩收納套」套裝。限量口罩套裝以新色「淺白・深刻」色調作設計,一黑一白容易配襯。另外,本地填詞人林若寧精心挑選十首關於「距離」的廣東歌歌詞,再配上本地字體設計師威洪的設計,設計出10款歌詞口罩收納套,限量3000套。

香港好去處:【貓奴必去!韓國插畫家Nyangsongi開個展!46幅療癒心靈畫作!全新都係可愛貓貓】

韓國人氣插畫家Nyangsongi首個海外個人展覽《All About Catsssss》登陸尖沙咀,Nyangsongi擅長以柔和的木顏色線條勾畫圓潤親切的小貓,充分利用牠們調皮搗蛋、不買帳的習性,呈現生活中的甜酸苦辣、喜怒哀樂,讓觀眾透過貓的舉手投足,與自身的經歷產生聯繫。

尖沙咀美食:【室內草地野餐!小清新café打卡一流 良心cafe環境氣氛極悠閒 西式餐點選擇多】- 草民

有無想過坐在草地上野餐可以不用到戶外呢?呢間位於尖沙咀的樓上café就提供了一個室內野餐的環境給香港人啦。餐廳主打西式餐點,有不同意粉、意大利飯及小食等西餐⋯⋯

都市熱話:【便利店推高達實用精品!柄紅渣古長柄遮+一式兩款高達保溫杯】

7-Eleven今期帶來一系列實用的高達精品,令各位高達迷在不同場合都可以使用心頭好!當中有日常必備的高達購物袋,灰、綠色兩色設計型格,容量足以放入高達模型盒,適合男士使用。
Close Bitnami banner
Bitnami