粉嶺鐵板燒:【香港食到即製台式平價鐵板燒】- 鐵板神燒

北區聯和墟一向都多野食選擇,最近仲開埋間鐵板燒,小店老闆係演員兼香港棒球運動員胡子彤所開。呢間餐廳係以半自助形式運作,客人要先係自助售票落單先,然後比張飛廚師,就會係你面前煮。呢度既麵豉湯、水、紅茶、炒芽菜同埋椰菜都係無限量供應。入到呢間鋪頭食野會有種好似係台灣士林地下夜市入面食鐵板燒既感覺。

▲台式鐵板炒蜆套餐($60):食落去有啲似大排檔食到既豉椒炒蜆咁,好惹味! 最欣賞係啲蜆肉唔會有沙。

▲客人可以睇住廚師係鐵板上面煮,不過就會有啲油煙。

▲沙茶豚肉套餐($50):豚肉食落唔會好淡味,同埋唔會好難咬!

▲芽菜+椰菜都係可以無限添加!

▲雞排套餐($50):呢個就相對比較濃味,有唔少醬汁係雞排上面,配飯食最正!

▲鋪頭內有部自動售賣機,自己落單!

鐵板神燒

地址:粉嶺聯和墟和豐街28號囍逸地下G03B號舖

文字來源:香港人.遊香港/圖片來源:@inchisix、@max_foodie1001、@cammygm