西貢行山:【挑戰三尖之一! 完美海景釣魚翁】- 釣魚翁

西貢釣魚翁位於清水灣半島,係香港三尖之一,一路上可以俯瞰將軍澳、清水灣海景遼闊,一路上不僅有碧藍清水灣海景,秋冬天更有好多芒草,沿著山路一直走,左邊是夏日海灘,右邊是秋日芒草,感受四季更迭的美妙,碧山藍海互相交替,山徑高低起伏,每一段路都充滿驚喜!翻看網上行山資訊,釣魚翁難度大概約係3-4星(5星最難)。上去梯級比較多,平時冇運動習慣的人可能會覺得吃力。路段都比較原始,幾乎都是土路、石路。一定要穿防滑運動鞋。落山的梯級也很多,下坡比較傷膝蓋,最好備一個登山杖。不過要注意,釣魚翁攻頂一定要衡量個人能力,沿山腰行一樣有好風景啊!

▲五塊田山徑入口顯而易見,只要係鑽石山或彩虹邨搭 91 號九巴,,於五塊田站下車,然後沿階梯直上,便會進入釣魚翁郊遊徑。

▲行一陣已經望見美麗景色,再行一陣海景就更吸引!

▲登頂後更見到美麗的海灣。

▲上山途中,景色又會轉為清水灣半島, 左手邊是將軍澳仍在使用的堆填區,右手邊則是美麗的清水灣。

▲前面尖而瘦削既山就係釣魚翁喇!

▲上到山頂,聚集不少三五成群既打卡同休息人士,佢地同一個位都影成5分鐘,小編實在無法等到人群離開先影相,又要趕落去食Tea喇!

▲另一邊景色就係日出康城等將軍澳住宅!

▲落到田下山,呢邊全景景色都非常養眼!

▲天朗氣清既日子從清水灣郊野公園田下山南脊眺望布袋澳,清晰可見布袋澳獨特既海岸線,布袋澳三面環山,北西出海口較窄,就好似布袋一樣,係個天然避風港口。

▲呢個就係山徑出口,行多一公里就可以到布袋澳大廟搭車走人喇!

釣魚翁

路徑:五塊田>上洋山>廟仔墩>釣魚翁>田下山>五塊田
路程:約9公里,全程約需3.5至4小時。
難度(5粒星最難): 3粒星

注意事項:
釣魚翁攻頂部分路段比較崎嶇, 需手腳並用攀爬, 建議穿著長褲並戴手套
⚠ 風高物燥切勿在山上吸煙,引起火災後果嚴重
⚠保持山野清潔人人有責,自己垃圾自己帶走

文字來源/圖片來源:香港人.遊香港