遊韓國cafe:【落地玻璃美景!純白濟州海景咖啡館!】- Landing Coffee

去濟州島城山日出峰,想飲杯野休息下順便打個靚卡,就最推薦呢間位於西歸浦市既治愈系海景cafe,擁有無敵海景,以簡約設計風格打造親切舒適感。呢間cafe外觀為純白色兩層建築,,2019年2月先開業。地下空間較細係點餐區及少量座位。二樓海景更是愜意,透過超大落地玻璃能夠看到蔚藍大海,品嚐著咖啡觀賞海景十分治愈!

▲濟州島西歸浦市呢棟純白建築物 Landing Coffee 如今已係大人氣打卡點。

▲呢間海邊cafe有兩層樓高,走進室內映入眼簾暡係簡約潔淨裝潢設計,以簡約留白色調為主調。

▲二樓落地大玻璃窗之外係一片寧靜大海,呢個打卡位好多朋友都大愛!

▲去旅行時有幸寧靜地眺望大海,遠離塵囂係年賞心樂事。

▲cafe有注明叫大家唔好請移動桌子或墊子位置,大家影相時要注意喇!

▲推薦日落時份過黎,氛圍更浪漫。

▲唔好以為呢間cafe得個睇字,野飲同野食都非常高質。濟州特色茶(7000韓元)係用百香果、茉莉花茶及蘋果茶特調而成,口味清爽唔會死甜。檸檬慕斯蛋糕(6800韓元)係由店主親手製作,甜甜地Cream及清爽檸檬口味非常夾!

랜딩커피 Landing Coffee

地址:서귀포시 성산읍 신양로122번길 45-1(西歸浦市城山邑新陽路122街 45-1)
營業時間:11:00~19:00, 截單時間係18:30,星期一休息
交通:​111號巴士,고성리 회전교차로(古城裡迴轉交叉路口)站下車,換乘721-3路,신양리(新陽里)站下車,再徒步

文字來源:香港人遊香港 / 圖片來源:@_gnal、@dasomgotchi、@77hm2、@andrewkim_photo、@n.yeo