[駐場博客 @小牛牛快樂行山郊遊相集by Chan Keung]有日和朋友一齊行山,問佢想行邊鼠?佢話最近D佢屋企(大埔),易行,又有湖畔靚景! 小編揾咗一輪,决定去新界東北一帶嘅牛屎湖啦! 風景真係好靚,但係第二日佢話比我聽,上網睇過,原來牛屎湖村傳聞好猛鬼,聽到心寒而慄!今次同大家揭開牛屎湖神秘面紗!由大埔墟小巴站坐20R小巴,大約半小時到達烏蛟騰,首先入村經過九擔租, 依家鋪晒水泥路好易行,路邊又整晒好多長石屎枱凳,同多年前好唔同,行咗2公里左右,到達犁三古道,呢段有番D郊野感覺了,泥石路緩緩而上,風景開揚,好快就到達犁頭石, 途中見到一棵巨樹,前面有個牌介紹,原本名叫~五月茶(五味子) , 打卡後一直到達三椏灣, 呢度啲土質好得意,你會發現全部都係紅色,點解係紅色? 自己上網揾答案啦! 小編本來想綑邊(沿海邊步行)進入西流江,再到牛屎湖,但係冇睇到潮漲時間,D水位好高綑唔倒邊,所以唯有經牛屎湖山去牛屎湖,首先經過一個公廁有一條好隱蔽嘅小路, 行咗上去之後, 初段好斜好多蚊,同埋十分陰森, 不過行咗一段之後就開始開揚,條路都算好行,冇乜上落坡幅,行到途中又見到一大群好似蝴蝶嘅東西,原來叫做大班 豹紋尺蛾, 色彩鮮豔,通常都住在同一棵樹枝上,有幾十隻飛來飛去,好靚呢!再繼續行,又見到有一隻箭豬,小編都係第一次見到,不過呢一隻係一條屍體已經腐化咗, 再沿山徑走,見倒前面有一條古舊廢村, 有好多座房子,有古井,仲有D碗碗碟碟,仲有D家居用品,好似有人住,但係就佈滿晒苔蘚,奇奇怪怪,旁邊有好多樹藤,有D陰森。影完相之後急急腳,卒之落到牛屎湖,有内湖和外湖,內湖望落去綠油油,應該水底有好多綠色植物,小編見到有D大魚跳上水面,好得意。而走到外湖,十分平靜,平面如鏡,形成一度倒映,好靚喔! 隔離仲有個小碼頭,將成為打卡熱點。睇睇時間已經好晏,立即沿路返回三椏村,經過三椏涌, 小編發現已經同過往完全不同, 政府為呢段路鋪設咗好多木板梯級,方便遊客進出, 進入苗三古道, 整條路都鋪設過相當易走, 之後路上又發現小紅蟹, 又要拍過夠本, 不久到達苗三石澗, 呢度水質清澈,長滿了水養植物,十分翠綠,好似入咗原始森林一樣,之後再經過上苗田下苗田返到烏胶騰坐小巴回家。返到屋企朋友send咗有關牛屎湖村嘅傳聞比小編,內容描述多年前,有一街渡正前住牛屎湖,本來風平浪靜,點知突然刮起怪風,街渡翻沈,死咗好多人,果日開始晚上就有淒厲嘅哭聲,又有人大力拍門,但打開門就唔見人,村民都聯想起抗戰當年,日軍捉咗D遊擊隊,就在牛屎湖對開嘅小島(墳洲)處决,所以要揾替身,鬼話越傳越烈,所有村民一夜之間收拾細軟舉家離開,令到牛屎湖村成為而家嘅廢村。傳聞歸傳聞,讀者也不應盡信, 更加唔好錯過牛屎湖美麗景色。 ▲有烏蛟騰起步經過九擔租進入犁三古道 ▲到達三椏灣ㄧ片紅色土地相當有特色 ▲本來打算綑邊經西流江去牛屎湖但水漲綑唔倒 ▲改道從牛屎湖山去牛屎湖 ▲發現有幾十隻大斑豹紋尺蛾住在同一棵樹上顏色艷麗 ▲路上小紅蟹 ▲箭豬的箭十分尖銳 ▲發現箭豬屍體 ▲牛屎湖村 ▲牛屎湖村入口滿佈樹藤有D陰森感覺 ▲村內有多棟廢屋 ▲牛屎內湖水面綠油油底部應該長滿了綠色水種植物不時有大魚跳上水面 ▲牛屎湖外湖水面平靜 ▲牛屎湖有ㄧ個小碼頭將會成為打卡熱點 ▲風平浪靜形成一個美麗的倒影好似一面大鏡子 ▲牛屎湖小碼頭 ▲小碼頭倒映景色怡人 ▲海中好多小魚 ▲苗三古道 ▲上苗田...
[駐場博客 @ 小牛牛快樂行山郊遊相集by Chan Keung]在夏季就到,天氣開始漸漸變熱,小編襯氣温未上到三十幾度, 一於揀番條高山登頂路線行下先。西頁有三尖,其中以蚺蛇尖較為難度最高,今次就同大家去闖一闖。西貢有三尖,以蚺蛇尖最多人認識, 由於有好多路徑都佈滿碎石散沙,所以特別難行, 同埋好鬼斜 ,一個唔小心好容易就撻到攤攤腰, 所以被評為5星路線。 早D起身先坐地鐵去到彩虹站,再1A小巴到西貢碼頭,再轉94巴士,去到北潭凹落車, 麥理浩徑2段起步,頭段平緩易行,經過牛湖墩,再到赤徑,可欣賞一吓海景,仲有一個小碼頭可以打打卡,跟住再行到上大浪坳,見倒涼亭左轉上蚺蛇徑,呢度沿山徑慢慢斜上,頭段都易行,但慢慢就變為碎石散沙路,記住慢慢行唔好心急,因為越行越斜,好容易跣倒!上到半山望去鹹田灣,大浪灣一帶,風景已經靚到爆燈, 藍天白雲一望無際,又可以睇到連綿不斷山脈,真係一見難忘! 一路向上繼續 慢慢行,好唔容易撐到上去蚺蛇尖,嘩! 超靚風景, 遠望米粉頂,東灣山,大浪頭, 氣勢磅礡, 咁辛苦撐到上嚟都值得。 打過卡後,沿路折返, 真係上山容易落山難,條路十分斜, 真係好跣, 我見到好多山友都跣咗落地下,包括我自己在內, 真係要好好好小心落山, 據報導蚺蛇尖發生過多次行山人仕跣低跌傷手腳,所以行唔行大家評估一吓先至好呀!最後小編當天行咗6小時連休息+拍照。 ▲由西貢坐94號巴士去到北潭凹落車-由麥理浩徑2段起步 ▲經過牛湖墩再行到去赤徑,之後再走到大浪坳沿途都可以看到風光美景 ▲赤徑附近可以欣賞美麗嘅石灘,會經過一個小碼頭係打卡熱點 ▲行到去蚺蛇坳見到一個涼亭轉咗進入蚺蛇徑初初平緩山徑易行 ▲遠望蚺蛇徑成條路都係碎石散沙組成 ▲行到呢度冇理由退縮啫-繼續向上行接受挑戰 ▲條路越行越崎嶇 ▲其實另外仲有好多條路線可以行上蚺蛇尖不過條條路都係碎石山沙冇一條好行 ▲爛得離仲好鬼跣腳 ▲其中ㄧ個小山頭 ▲歡樂過後沿馬鞍山郊遊徑返回馬鞍山燒烤場 ▲好唔容易撐到上頂,不過睇到咁靚嘅風景!一切都值回票價,倦意全消! ▲連綿不斷的山脈美不勝收 ▲開始沿路落山真係上山容易落山難好鬼跣,要好小心慢慢落見倒好多山友都跌倒 ▲行山去赤徑,睇到美麗嘅日落完成今日刺激的旅程 蚺蛇尖 路線: 路線: 北潭凹>麥理浩徑2段>牛湖墩>赤徑>大浪㘭>蚺蛇㘭>蚺蛇徑>蚺蛇尖沿路折返約12公里,全程約6小時 注意:⚠路程較遙遠, 沿途沒有補給站,帶備充足糧水⚠ 蚺蛇徑路段比較崎嶇,十分傾斜,滿佈碎石散沙 ,容易跣倒,必需小心慢行⚠ 愛護郊野清潔,人人有責,自己垃圾自己帶走⚠蚺蛇尖屬5星路線,落山容易跣倒,必需量力而為,自行評估風險 文字/圖片來源...
西貢市中心食店林立,能於 西貢立足多年非呢間老字號莫屬,而且同區仲有2間店! 呢間店最大特色係懷舊既氛圍,暗橙黃燈光、格仔台布,播住黑膠法國音樂,係呢度食鐵板牛柳真係一大樂事!食鐵板餐就預左食熟d既,點知廚師都令火侯控制得超好,鐵板牛柳入面仲見到嫩滑半熟肉,難得難得! ▲鐵板牛柳($182)大讚呢度五成熟既肉質食落非常柔軟,火喉掌握得岩岩好,鐵板牛柳做到外表脆邊而中間嫩滑。 ▲古色古香的檯燈係打卡位,配合埋呢度浪漫又懷舊氛圍真係好正 ▲附送既牛油厚多士,多士烘到好脆,非常好食 ▲食完最後點少得食返球雪糕,咁先係大滿足! 蘇珊娜牛扒屋 地址:西貢普通道76號電話:27927163 文字來源:香港人.遊香港/圖片來源:互聯網...
⛺勁方便!🏕️西貢灣仔西營地係露營新手最理想的營地之一,風景優美,設施十分齊全,首先每個營位都設有燒烤爐、枱、櫈,另外仲有自來水、洗手間及浴室。基本上唔需要行山已經可以到達!營地行10分鐘已經係碼頭,只要大家搭巴士到黃石碼頭轉街渡,就可以直達營地。 ▲落船地方係灣仔南營地,有好多人都貪方便就係灣仔南紮營,不過小編今次係推介另一邊熱門營地-西貢灣仔西營地。劃定營位有20個,每個營位均設有燒烤爐及枱凳,水源、大型洗手間及沐浴間均設在營地外。 ▲灣仔南營地比較少人,而且有一大片草地! ▲遇上假日,呢度都會有好多人,唔少人都花盡心思佈置個帳幕,真係好有氣氛! 西貢灣仔半島南營地 前往方法:西貢市中心乘7號小巴到海下(25分鐘),再步行前往(45分鐘) 或在星期六、日或公眾假期,由西貢市巴士總站乘94號或由鑽石山巴士總站乘96R號往黃石碼頭,在黃石碼頭總站下車。再轉乘由黃石碼頭往灣仔半島渡輪,便可抵達營地。 注意事項:⚠愛護郊野自己垃圾自己帶走!更多有關營地設施: https://goo.gl/K75cbB 文字來源:香港人.遊香港/圖片來源:網上圖片...
[駐場博客 @ 小牛牛快樂行山郊遊相集by Chan Keung] 燈塔超靚!! 差不多又到中秋節, 亦都是暑期水上活動尾聲, 趁天氣未轉涼,來個獨木舟遊橋咀洲。橋咀洲又名~橋咀島,橋咀島是西貢海峽其中一個旅遊熱點, 亦都是世界地質公園景點之一 。 遊客可從西貢碼頭乘搭街渡,大約20分鐘可到達。 島上分别有橋咀泳灘,廈門灣,青洲燈塔,象鼻洞,郊野公園,行山徑,和多個沿岸海蝕洞。還有許多遠古時天然形成的岩石,潮退時更會一一展示出來。 由於水質清澈,亦都吸引不小遊船停迫,作為浮潛的據點。所以每逢假日都有很多 遊客慕名而來。 小編今次從西貢租借獨木舟, 經過羊洲,枕頭洲,白沙洲, 到達青洲燈塔, 經過廈門灣 ,海中穿越岩石羣,到達象鼻洞, 再轉到其他海蝕洞逐ㄧ參觀。 注意事項:⚠此水上路線必需由足夠經驗人仕陪同和帶領才可常試。⚠路線頗長,要有足夠體力, 帶備足夠糧水,沿途没有補給站⚠路線會有船隻經過,密切留意水面情況,必須小心。⚠出發前必須留意天氣報告,遇上天氣欠佳,大浪,吹季候風就不可強行出發。⚠建議穿著防滑鞋,帶備手套,避免登錄時 刮傷⚠橋咀洲為世界地質公園景點之一,海陸均受保護,切勿破壞大自然生態,不可帶走島上岩石,或海底珊瑚。⚠ 自己垃圾自己帶走,保護大自然人人有責 ▲青洲燈塔是攝影熱點 ▲優美景點禁不住拍完又再拍呢 ▲燈塔下沒有遮陰地方登錄必須做好防曬準備 ▲燈塔下沒有遮陰地方登錄必須做好防曬準備 ▲選擇適合自己嘅獨木舟-有單人有双人以供選擇 ▲近期十分流行使用航拍機拍攝 ▲遠眺象鼻洞 ▲穿越岩石群 ▲雙人獨木舟需互相配合 ▲獨木舟穿越海蝕洞 ▲橋咀島東面有很多海蝕洞可以逐ㄧ探索 ▲別有洞天 ▲水質清澈見底 ▲考考平衡力 ▲水底拍攝-海中生物 ▲水中珊瑚不要踐踏和觸摸 橋咀洲路線:西貢碼頭旁邊小沙灘>羊洲>枕頭洲>白沙洲>青洲燈塔>廈門灣>象鼻洞>海蝕洞>西貢小沙灘 來回全程約13公里交通及裝備: 西貢上水活動中心租借獨木舟, 有多間可供選擇,收費各異,ㄧ般假日单人艇$100(平日$50) 双人艇$200(平日$100) 免費提供救生衣 文字/圖片來源 :小牛牛快樂行山郊遊相集by Chan Keung 小牛牛快樂行山郊遊相集by Chan Keung—————————————————————相關文章:【渣甸山。港版懸空棧道】【曝罟灣☘️ 西貢後花園】...