位於旺角呢間泰式餐廳由上至下都係一班90後嘅後生仔打理,其中一個負責人更有一半泰國血統,所用的醬料香料都泰國入口夠正宗。呢到主打泰式海南雞飯,雞肉滑嫩仲啖啖肉唔會肥,雞皮又爽彈配自家製泰式辣醬,酸酸辣辣好惹味,而且份量絕不孤寒大大份,仲有3款飯可供選擇黃油飯、白飯和豬油飯夠晒邪惡。另一必食網蝦春卷,即叫即炸的春卷外層薄網超級鬆脆,炸到連蝦尾都食得。 ▲招牌泰式無骨海南雞飯($45) :雞肉滑嫩啖啖肉唔會肥,雞皮又爽彈。自家製泰式辣醬,酸酸辣辣好惹味。 ▲仲有3款飯可供選擇黃油飯、白飯和豬油飯。油飯不會太油份量多,但少了雞香味。 ▲網蝦春卷($18/4件) :即叫即炸,外層薄網超級鬆脆,炸到連蝦尾都食得。中間除了蝦肉外還有些香芋,增加香味。 ▲炸雲吞蝦($24/4件) :粒粒炸雲吞都卜卜趣,中間蝦肉夠新鮮彈牙,配甜酸醬一絕。 ▲小店內放了一幅搶眼真香港人壁畫,超用心製作。 文字 / 圖片:香港人遊香港...
呢間位於西營盤藍白色小屋般外形,充滿著歐陸風情的餐廳非常引人注目,店內裝修還帶點外國家庭式溫馨。小店提供高質精緻西餐,每一道菜都擺盤超精美,猶如藝術品。好似前菜把巴馬火腿、水牛芝士和蜜瓜排放整齊形成花環狀,超適合打卡。除了精緻,食物仲非常美味,好似波士頓龍蝦藏紅花鮮茄天使麵啖啖麵都超掛汁充滿龍蝦汁味道,而且大蝦肉質爽彈。而慢煮熟成三十天美國黑安格斯牛柳色澤粉嫩仲非常軟淋,肉汁豐富牛味濃郁。不得不提夢幻藍紫色的蝶豆花加上金黃色檸檬蜜,層次分明而且每粒波波冰粒都用了蝶豆花和花瓣特製,心思盡顯打卡一流。 ▲巴馬火腿(24個月)、水牛芝士、蜜瓜($98) :巴馬火腿、水牛芝士和蜜瓜排放整齊形成花環狀,擺盤超精美。鹹鹹的火腿配上甜蜜瓜令鹹香和甜味更加突出。 ▲是日餐湯($68) :材料豐富,有牛肉粒、番茄粒、甘筍粒等。味道甜甜酸酸好開胃而且牛肉味好濃。 ▲擺盤精緻,碟邊放上秋葵、魚子、食用花裝飾,增加藝術色彩。 ▲波士頓龍蝦藏紅花鮮茄天使麵($198) :天使麵超掛汁,啖啖都充滿龍蝦汁味道,而且大蝦肉質爽彈,店方仲細心地把蝦殼剪開,方便食用。意粉方面軟硬度適中煙煙靱靱。 ▲慢煮熟成三十天美國黑安格斯牛柳(8oz)($368) :色澤粉嫩的牛柳非常軟淋,慢煮熟成關係肉汁鎖緊,牛味濃郁不帶肥膩感。配上色彩繽紛的香甜烤雜菜,增加食慾。 ▲雜莓意大利奶凍($68) :奶凍口感綿滑,奶味濃郁又不會太甜配上酸酸甜甜的冰凍雜莓、曲奇碎和藍莓醬,形成冰甜清新口味,不會吃膩。 ▲草莓蔓越梅特飲梳打(左)($58) :每一啖都飲到甜甜酸酸的果肉,每粒波波冰粒都有花瓣,充滿視覺效果。蝶豆花檸檬蜜梳打·自家漬(右)($58) :夢幻藍紫色的蝶豆花加上金黃色檸檬蜜,層次分明,味道清新舒服。 ▲而且每粒波波冰粒都用了蝶豆花和花瓣特製,配上乾檸檬裝飾,心思盡顯打卡一流。 ▲小店細細間,約20個座位,而且都好多人食,建議大家先Book位! 文字/圖片:香港人遊香港...
呢間位於小西灣的良心小店沒有大大個招牌只會係門前放一個簡單餐牌,營業時間限定晚上只做幾個鐘,因小店寄居係「新橋美食屋」晚上6點前會係一間茶餐廳,好易眼大睇過龍。小店只賣港式滑蛋蓋飯非常專門而且只有7款加一款隨時轉的限定版,所有飯即叫即整,用蛋味香濃的湖北蛋,而且每個飯都用上3隻雞蛋份量絕不孤寒,滑蛋飯可配帶大大份牛魔王、燒鰻魚、麻香墨魚等仲可以雙拼夠晒自主,記得加秘製醬汁味道再提升。幸運的話限定版可能係鵝肝、安格斯牛扒! ▲嫩滑雞扒滑蛋飯:雞扒煎得香脆,而滑蛋好重牛油香。 ▲牛魔王滑蛋飯:牛肉分量足。 ▲麻香墨魚滑蛋飯,麻味重但不會太辣。 ▲鰻魚滑蛋飯,鰻魚夠肥美加埋秘製醬汁好惹味。 ▲限定鵝肝滑蛋飯,限定版滑蛋飯隨時變更有驚喜,可以係鵝肝、安格斯牛扒等。 文字:香港人遊香港 / 圖片:Softeggsboy、kodokuka...
今次介紹呢間位於長沙灣CP值超高既日本料理,餐廳係以日式家庭式經營,主要係食丼飯、鍋物、烏冬、串燒等熟食,價錢方便亦不太昂貴。而星期一至日亦有提供午市定食,選擇仲好多添,共有28款比客人選擇,包括天婦羅、豬扒、雞扒、鰻魚套餐,每款定食都會附白飯、前菜、沙律、味噌湯,仲 可以加錢加購飲品和無限次追加小食,例如$12 炸餃子 3隻、$20 芝麻雞翼2隻、$15 炸芝士年糕2件、$20明太子雞翼2隻等…….現時餐廳抗疾情仲推出各款優惠比客人添,全日9折優惠,外賣亦有85折,而午市優惠亦有8折,真係好抵食嫁。 ▲ 安格斯牛肉鍋定食($88):呢個火鍋牛 底部放了菠菜大白菜豆腐流心蛋,牛肉份量都多,每片都大塊,係牛肉下面仲有大大冬菇、豆腐、 菠菜、大白菜、流心蛋,食落去全部都好甜好好味,因為吸收曬湯底既 ▲吉列極上鹿兒黑毛豬($128):炸豬排份量好多,一份有成10舊,炸皮唔係太厚,黑毛豬食落去仲係好Juicy,同埋好有咬感,仲有自家制醬汁比你點豬排食,怕熱氣既可以加醋汁食椰菜絲下火。 ▲天婦羅手打烏冬($82):烏冬配上天婦羅拼盤,分別有虎蝦2隻、茄子2件、南瓜2件,全部都炸得非常鬆軟,可見唔係落左超多粉去炸,而值得一讚的是蝦食落很爽口彈性,稱得上是高級天婦羅級數。 ▲安格斯牛肉手打烏冬($72):如果唔想食火鍋的話,都可以叫呢款烏冬,牛肉係同火鍋同一款質素,不過就無火鍋果種蔬菜甜味的湯底咁好食。 ▲每叫任何一款定食均可加$20要芝麻雞翼2隻。 文字來源:香港人遊香港 / 圖片來源: @f.nbreak、@micky_foodprints、@imxxlammiz...
呢間位於旺角中心的小店係全港首創芫荽腸粉,而且出晒名腸粉即叫即蒸又香又滑。可惜小店剛宣布會10月24或25日就會暫停營業,要食就快手啦。佢哋嘅芫荽腸粉係整的時候會先將芫荽攪碎混入米漿再加入蛋汁一齊蒸熟,整條腸粉都充滿綠油油的芫荽。不特只仲會加大量新鮮芫荽係面,真係啖啖都有荽味,滿足芫荽控的味蕾。不愛芫荽都可以試招牌精選五寶腸,有雞蛋、粟米、肉碎、蝦米和蔥花非常足料夠晒飽肚。 ▲升級版芫茜皮蛋腸粉 ($32), 先將腸粉米漿加入超多芫茜,蒸熟後芫茜味冇咁重,顏色碧綠吸睛絕對係相機食先。 ▲ 升級版芫茜皮蛋腸粉 ($32),腸粉可以按喜好加入粟米、雞蛋、碎牛、生菜、蜆肉等。 ▲ 升級版芫茜皮蛋腸粉 ($32)加入皮蛋及更多芫荽做配料,芫茜控龐該食得好滿足! ▲ 精選五寶腸($32)呢個係選擇困難症人既出路!乜都有d,有蔥花、粟米、鮮肉、蝦米 ▲ 栗米鮮肉腸 ($26) 腸粉夠皮薄饀多,加埋XO醬一齊食更惹味 ▲凍檸茜特飲 文字來源:香港人遊香港 / 圖片來源:@daydaysteamriceroll、@lottery_001、@wyemilyw、@zahlau、@_love.eating_321、@ladysubeitw...
呢間係性價比超高台灣小食店,品牌源自台灣宜蘭羅東。憑住兩位店主堅持,多次前往宜蘭羅東尋找地道肉焿湯,最後特意去台灣學師後開店,因此小食風味同台灣好相近。主打魯肉飯、肉焿湯米粉、手工芋圓、香芋肉鬆三明治,全部都好受歡迎。當中最ig-able 都係誘人雙紫色既香芋三明治系列,又飽肚又可口,顏值爆燈! ▲芋見紫薯吐司($45),份量大,內餡真材實料質感軟綿綿,紫薯泥、芋泥形成漸層深淺分明視覺效果! 一啖真係爆晒餡! ▲Oreo紫薯泥吐司 ($46)Oreo食落微甜甜地同紫薯泥 ▲肉鬆芋泥吐司($40),芋泥口味較清新,肉鬆咸咸香香,反而有種反差感。 ▲1號羅東肉焿湯餐($78)魯肉飯、肉焿湯加埋飲料。肉焿湯係以新鮮豬肉加入蕃薯粉、魚漿醃過,而湯頭再加埋荀絲、芫茜食落感覺較杰身。  ▲肉羹米粉($48)肉羹非常香口,鹹香四溢。 ▲仙草芋圓1號($34)包括三色芋圓、蜜紅豆及海藻水晶 文字來源:香港人遊香港 / 圖片來源:@rosabeth.ngoman、@jesxfoodie、@wunderlust_girl...
今次介紹呢間灣仔CAFE主題都幾特別下,係一間以武俠小說為餐廳主題,店鋪裝修好似一間古代客棧一樣,以木製枱凳和中式瓷器為主。餐牌亦都似一本古代學武功的書籍,而菜式名字落足心思諗,不是以招式就是武器命名,餐廳玩Gimmick得黎食物質素亦都相當之高,絕對值得客人再戰江湖。另外,呢度既食物中西合璧,咖啡是以中式古代飲茶時的茶杯,岩晒打卡影相。餐廳一角擺了一個書櫃,放滿金庸小說,金庸迷既你絕對會想黎呢度睇住小說,幻想自己係古代時生活,過一個輕鬆的下午。 ▲赤煉神掌($79):呢款意粉其實係蕃茄牛肉醬加上紅酒汁煮成,所以個汁好香濃好開胃,汁既份量岩岩好可以成個意粉都撈到。 ▲V 草上飛($82):意粉用上自家製青草醬加上蒜蓉、洋蔥、蕃茄粒一齊炒,汁既味道濃郁,唔似平時出街食既青草醬無咩味,只食到醬汁既油,而意粉上有一個燒過既大啡菇添。 ▲黃金堅壁($95): 呢款其實係西多士,炸到火候岩岩好,吐司邊位好香脆,配埋焦糖香蕉好夾,焦糖薄薄一片好脆身,另外西多士上仲有車打芝士、煙肉,配料相當之豐富,食完較肥膩的西多士仲可以食埋伴碟的沙律。 ▲V倒踩三芝雲($53):呢款小食係田原麵包加上三重芝士同蜜糖焗成的,絕對係增肥之選呀,不過就算三重芝士都好,食落去又唔算好油膩,仲食到少少蜜糖甜度。 ▲V 獨菇劍法($92): 其實係黑松露白酒忌廉菇意大利粉,黑松露味好香濃,醬汁食落好creamy又唔會太流,意粉軟硬度亦都適中。 文字來源:香港人遊香港 / 圖片來源: @christinefung_tine、@evalovescakes、@leeman_930...
召喚串燒控!呢間位於銅鑼灣既串燒專門店,有唔同串燒放題套餐比你揀,食物種類都眾多,任燒多款時令海鮮+串燒,選擇超過50種!海鮮包括鮑魚、海蝦、海蜆、扇貝、象拔蚌、蟶子、生蠔,海鮮會提供個爐比你慢慢燒,而其他肉類及蔬菜串燒就有師傅燒埋俾你!呢間串燒專門店有提供學生8折等優惠,仲多次支援有需要手足,良心小店值得支持! ▲不串不散由下午茶時段開始,提供唔同套餐既串燒,最基本收費$128,不過就需要6點前入座,肉類同蔬菜串燒由廚房燒好。 ▲磯燒流水蝦+串燒放題($168/位-下午茶時段;),提供一個爐比你任燒流水蝦! ▲晚上最多人追捧都係磯燒6款海鮮+流水蝦+串燒放題($338),時令海鮮睇下有咩新鮮就有咩燒! ▲磯燒6款海鮮+流水蝦+串燒放題($338)當然唔少得啖啖肉既流水蝦! ▲而海鮮方面有鮑魚、海蝦、海蜆、扇貝、生蠔、象拔蚌仔、蟶子等輪流供應 ▲海鮮都係任燒任食,食完唔夠可以再order! ▲清酒煮蜆 ▲辣酒花螺都係人氣之選! ▲而肉類串燒就係廚房會燒比你,有牛舌、牛柳、雞軟骨、雞腎、雞翼呢d選擇。 ▲蔬菜串燒則有一口甜薯、翠肉瓜、燒娃娃菜等。 文字來源:香港人遊香港 / 圖片來源:@henhen__henry、@kyastkei、@tm_ning、@joycelaucf、@_journeyoftwo_、@cooking_moon_moon、@komacy...
大渣哥茶記自開業後大受歡迎,推出食物屬於高質水準,絕對唔止係明星效應咁簡單!今日仲係大家都好灰既星期五,宣布推出「好很藍食系列」,系列一次過推出5款大家好掛念既美食,包括有吉野渣和風牛肉飯、碎華瑞士汁雞翼撈公、乜樂雞炸薯條、士渣北MOCHA同埋美渣High餅,聽日開始推出,每日兩點至六點下午茶時段供應,消息一出,有好多網民都表示力撐支持! ▲吉野渣和風牛肉飯($38)大渣哥茶記知道大家呢幾日好灰,推出新系列等大家開心下,令大家可以苦中作樂! ▲士渣北MOCHA($28) ▲乜樂雞($38)仲有得揀蜜糖介辣/ 泰式雞醬/BBQ燒烤醬 ▲碎華瑞士汁雞翼撈公($48) ▲美渣High餅卷蛋($8) 文字來源:香港人遊香港 / 圖片來源:大渣哥茶記....
台灣人黎香港最鐘意食香港老冰室既港式懷舊冰室美食,其實留在海外既港人又何嚐唔懷念呢?呢間「乜料茶居」係在台香港人開設,店外貼滿文宣,聲援香港,對於抗疫,亦起萬二分警覺,室內外都係滿滿復古懷舊冰室風。疫情前,佢係一間只開晚上既小餐館,而疫情後則改變左營業時間,第時開返關相信會有再調整!各位踏上無盡旅途既香港人,不妨黎台南呢間店支持一下同路人! ▲店主以港式懷舊冰室作主題,希望將香港原味道美味帶比台南人。 ▲菠蘿油口味同香港口味無異! ▲凍奶茶都係港式口味,飲唔慣偏甜台式口味可以飲返d港式味道喇! ▲招牌冰火菠蘿油麵包偏扎實,牛油一d都唔吝嗇。 ▲招牌冰火菠蘿油麵包一咬開依然係咁酥香。 ▲店主會擺放好多小物品、小擺設 ▲店主係個多方面收藏控,可口可樂罐、港式公屋玩具、模型擺設都唔少。 ▲香港人看著習以為常既小物件擺設,對台南人黎講會覺得好新奇 ▲店鋪一桌一椅、擺設都係店主費心思擺設,小巧思牆上播放老電影掛著的舊海報 ▲店內都充滿爭取自由既氣息。 文字來源:香港人遊香港 / 圖片來源:@will.i.am_1224、@we77123、@shan.hch_...
咁難得約到朋友,食完飯都仲未吹夠水,梗係要揾下場再繼續吹,呢間喺旺角嘅甜品鋪就啱哂大家喇。呢到有好多款甜品提供,例如芒果拿破崙、綠茶心太軟伴雪糕、燒菠蘿雪芭,價錢絕對對得住食物。最特別嘅莫過於喺盤上用糖漿畫嘅公仔,畫得又靚又似!店裏仲貼滿memo同埋文宣,俾香港人一個渠道舒發心聲。 ▲芒果拿破崙 ($64),喺碟上畫嘅Pepe,畫得咁似唔捨得整花佢! ▲藍莓乳酪芭菲 ($64),食落又酸又甜。 ▲ 朱古力香蕉窩夫 ($64),凍冰冰嘅雪糕配上新鮮出爐嘅窩夫,又暖又凍,但又意外地好食! ▲宇治金時綿綿冰 ($54),超大份,差啲食唔落! ▲由好夠唔同香港人寫嘅心聲,都只有一個願望。 ▲成間鋪佈滿memo,就好似身處星海一樣。 Joyful Dessert House 地址:旺角黑布街74號藝興大廈地下2及3號舖電話:3:00pm – 1:00am (星期一至四及日)、3:00pm – 2:00am (星期五至六)營業時間:96881772、28561886 文字來源:香港人遊香港/圖片來源:@iffanyc_...